ဘ၀တစ်ခု ခရီးတစ်ခုကို လျှောက်ဖို့ ခုဆို ညီလေး အရင်ကထက် ပိုမိုကျယ်ဝန်းတဲ့ နေရာဒေသ သစ်ဆီရောက်နေပြီ ဆိုတော့ အဖေမရှိတော့ တဲ့ တို့ ညီအစ်ကို နှစ်ယောက်တွက် အဖေ့ကိုယ်စား မှာချင်တာရှိလို့ စာရေးလိုက်တယ်။
ညီလေး နဲ့ အကို တအမေထဲ မွေးတယ် ဆိုပေမယ့် တို့လျှောက်တဲ့ လမ်းတွေ က ကွဲပြားခြားနားတယ်။ ဘယ်လို ဘယ်လမ်းတွေ အမျိုးမျိုးကို လျှောက်လှမ်းကြရပေမယ့် လောက လူ့ဘောင်မှာ နေတယ်ဆိုရင်ဖြင့် လိုက်နာရမယ့် စည်းကမ်းတွေ ကတော့ အားလုံးတူတူ ဘဲညီလေးရေ။
စည်းကမ်း.....စည်းကမ်း ကို ဘယ်လို အဓိပ္ပါယ်ဖွင့်ကြတယ် မသိပါဘူး။ ဒါပေမယ့် အကို အတွက်တော့ စည်းကမ်း ဆိုတာ မိမိ ကိုယ် မိမိ တာဝန်ယူခြင်းလို့ဘဲ သတ်မှတ်တယ်။ အစ်ကို အတွက်တော့ အမှန်ပါဘဲ ညီလေးရေ ဘယ်အရာကို လုပ်သည် ဖြစ်စေ မိမိပြုမူ လုပ်ဆောင် လိုက်တဲ့ အရာ အားလုံးအတွက် မိမိမှာ တာဝန်ရှိတယ်။ လုပ်လိုက်တဲ့ အပြုအမူ၊အလုပ်အကိုင် အတွက် တာဝန်ယူမှုရှိရမယ်။ ဒါမှ စည်းကမ်းရှိတယ်လို့ ခေါ်တယ်။
ဥပမာ...ရေတခွက် ယူသောက်တယ် ဆိုရင် ရေကို မဖိတ်မစင်အောင် သောက်ရမှာ ညီလေးရဲ့တာဝန်။
သောက်ပြီး ရေခွက်ကို သူ့နေရာသူ ပြန်ထားရမှာ ညီလေး တာဝန်ဖြစ်တယ်။ ညီလေး ပြုမူလုပ်ဆောင် နေသမျှ အားလုံး ကို ညီလေး တာဝန်ယူုရမယ်။ ဒါမှ စည်းကမ်းရှိတယ်လို့ ခေါ်တယ်။ ညီလေး ရေသောက်ချိန်မှာ ရေဟာ ဖိတ်စင်ခဲ့မယ် ဒါမှ မဟုတ် မှောက်ကျခဲ့မယ်ဆိုရင် လည်း ညီလေး တာဝန်ယူပြီး သန့်ရှင်းရမယ်။ ရေသောက်ပြီး ရေခွက်ကိုလဲ ယူခဲ့တဲ့ နေရာ မှာ ပြန်ထားရမယ်။ ဒါဟာ မိမိကို မိမိ တာဝန်ယူခြင်း ဖြစ်သလို စည်းကမ်း ရှိတယ် လို့ မည်တယ်။ ဒါကြောင့် လည်း အကို က စည်းကမ်းကို မိမိကိုယ် မိမိ တာဝန်ယူ မှုလို့ သတ်မှတ်တာ မမှားဘူးလို့ ထင်ပါတယ်။ ဒါတွေ ပြဋ္ဌာန်းသတ်မှတ်ထားတာ မဟုတ်ပေမယ့် လူအများနဲ့ ဆက်ဆံ သွားလာတဲ့ နေရာမှာ မိမိ ကိုယ်ကို တာဝန်ယူ၊ စည်းကမ်း ရှိမှဖြစ်မယ်။တခြား ဟာတွေလဲ အတူတူ ဘဲ ညီလေး သေချာ စဉ်းစားပြီး ကျင့်ကြံ လုပ်ဆောင်ပါ။
အကျင့်.....အကျင့်တဲ့ ညီလေး ရေ
အကျင့်ဆိုတာ ထပ်ခါ တလဲလဲ ပြုလုပ်နေခြင်း ကနေ အကျင့်ဆိုတာ ဖြစ်လာတယ် လို့ ယူဆပါတယ်။
တခါတလေလည်း စရင်း နောက်ရင်း ကနေ အကျင့်ပါ သွားပြီး ဖျက်မရတာ မျိုး ဖြစ်တတ်တယ်။ ဒီတော့ ချစ်စရာ ကောင်းတဲ့ အကျင့် လေးတွေကို နေရင်းထိုင်ရင်း နဲ့ ဖျက်တည်မရတဲ့ အကျင့်လိုဖြစ်အောင် လုပ်ပါ။
ဟိုအရင် မူဆယ်မှာ အစ်ကို ကားမောင်းတုန်း က အစ်ကို ကို သူဋ္ဌေး က ကားမထွက်ခင် ဆီ၊ရေ၊လေ စစ်ဖို့ မှာ ပြီး တော့ ပြောသေးတယ်
”ကိုယ်လုပ်စားနေတဲ့ အလုပ်မှာ အသေးအဖွဲ့ ကစလို့ ဂရုစိုက်ပြီး အကျင့် အောင်လုပ်ပါတဲ့”
ဒီတော့ အစ်ကို လည်း လုပ်တာပေါ့ကွာ။ အစ်ကိုလဲ ကားထွက်တိုင်း စစ်ရင်းစစ်ရင်း နဲ့ အကျင့်ပါနေတော့တာဘဲ။ဒီနိုင်ငံ ရောက်လာတဲ့ ထိ ကားထွက်ခါ နီးတိုင်း စစ်စရာ မလိုတဲ့ ကားကို စစ်ဖို့ လုပ်လုပ် နေတော့ တာပါဘဲ။ သူငယ်ချင်း တွေ သတိပေးမှ မနဲ အကျင့်ကို ဖျောက်ယူရတယ်။
တို့ ငယ်ငယ် ကတည်းက ကျောင်းတက်တိုင်းဆိုလာ တဲ့ နိုင်ငံတော် သီချင်း ဒီနေ့ ထိ တို့တွေ အလွတ်ရ ဆိုနေနိုင်တာ ဟာ တို့တွေ အမြဲတမ်း ဆိုခဲ့လို့ ဘဲပေါ့။ အမြဲတမ်း မဆိုခဲ့တာတွေ မလုပ်ခဲ့လို့ တို့တွေ မေ့ပျောက်သွားခဲ့ တာလဲ ရှိတာဘဲ ညီလေး သတိထားမိမှာပေါ့။
ဒီတော့ စည်းကမ်းကို လဲ အသေးအဖွဲကစလို့ လုပ်ရင်း လုပ်ရင်းနဲ့ အကျင့်ပါအောင် လုပ်ထားရမှာပေါ့။ ဒီလိုဘဲ ညီလေးရေ သတ်မှတ်မထားပေမယ့် လိုက်နာ ရမယ့် စည်းကမ်း၊ ကျင့်ကြံရ မှာတွေက များလှပေါ့။
ဒီလိုဘဲ လူ့အဖွဲ့ အစည်းထဲ ၀င်လာရင်ဖြင့် စည်းကမ်းတွေ ဟာ အလွန်အရေး ကြီးလာတယ်။ အဲဒါတွေ ကတော့ သတ်မှတ်ထား တဲ့ စည်းကမ်းတွေ ဘဲ။ ကျောင်းမှာ ဆိုရင်ဖြင့် ကျောင်းစည်းကမ်း၊ဆေးရုံ ဆို ဆေးရုံ စည်းကမ်း၊ နိုင်ငံ တိုင်းမှာ လည်း သူ့ နိုင်ငံ နဲ့ သူ စည်းကမ်းတွေ သတ်မှတ်ထားပြီး သားရှိတယ်။ သတ်မှတ် ထားတဲ့ စည်းကမ်းကျတော့ ဖောက်ဖျက်သူကို စည်းကမ်း ကြီးငယ်လိုက်ပြီး အပြစ် ကြီးငယ် ပေးခံရမယ်။ စည်းကမ်း ဆိုတာ လိုက်နာဖို့ ဘဲ ဖြစ်တယ်။ဖောက်ဖျက်ဖို့ မဟုတ်ဘူး။ အရင် အကိုပြောတဲ့ တာဝန်ယူမှုကျတော့ စည်းကမ်း ဘဲ ဒါပေမယ့် သတ်မှတ်မထားတဲ့ အတွက် အပြစ်ပေးတော့ မခံရ ဘူးပေါ့။ ဒါပေမယ့် လူတွေ ရဲ့ မျက်လုံးတွေ ကတော့ မင်းဆီက ဘယ်ခွာ လိမ့်မလဲ။ မင်းနေထိုင်တဲ့ အဖွဲ့ အစည်းမှာ မှာတော့ စည်းကမ်းမရှိတဲ့ သူအဖြစ် ဘယ်နေရာရောက်ရောက် မျက်နှာငယ်ရတော့မှာ။ဒီတော့ ဘယ် စည်းကမ်း ကို မှ မဖောက်ဖျက်ပါနဲ့။
ဒီတော့ ညီလေးရေ စည်းကမ်းကို လိုက်နာ သူအဖြစ် အကျင့်ပါနေအောင် လုပ်ပါ။ဘာဘဲ လုပ်လုပ် တာဝန်ယူမှု ရှိပါစေ။ အစ်ကို ဘာကို ဆိုလိုချင်တယ် ဆိုတာ ညီလေး သိလိမ့်မယ် လို့ မျှော်လင့်ပါတယ်။
အစ်ကိုကြီး
ဒီးဒိုး။
၁၃၊၀၆၊၂၀၁၀။
No comments:
Post a Comment