သက်တန့်လေးလို....။

ကျွန်တော် ဘုရားကျောင်း သွားရာလမ်းရဲ့ အဆောက်အဦးတစ်ခုရဲ့ ခြံဝန်းမှာ "Happy Christmas" ဆိုတဲ့ ဆိုင်းဘုတ်ကြီးကို တွေ့ရတယ်။
အမှတ်တမဲ့ပါဘဲ ကားပေါ်ကလှမ်းတွေ့တာပါ။ ခေါင်းထဲမှာလည်း ဒီအဆောက်အဦးက ခရစ်ယာန် အသင်း တသင်းရဲ့ အဆောက်အဦးဖြစ်လိမ့်မယ်လို့ ယုံကြည်နေမိတယ်။
ဒီလိုနဲ့ ကာလတခုကိုကျော်ဖြတ်လာတော့ အဲဒီဆိုင်းဘုတ်ကို မတွေ့ရတော့ဘူး။
ခရစ္စမတ်လည်း ကျော်သွားပြီကိုး..။

အချိန်ကာလတွေ တိုက်စားသွားပြီး တဲ့နောက် တနေ့သော တနင်္ဂနွေ ကျွန်တော်ဘုရားကျောင်းသွားတဲ့ အခိုက် အဲဒီအဆောက်အဦးရဲ့ အရင် "Happy Christmas" ဆိုတဲ့ ဆိုင်းဘုတ်ကြီး ရဲ့ နေရာမှာ"Salamat Hari Raya" ဆိုတဲ့ စာသားက အစားထိုး ၀င်ရောက်နေပြန်ရော..။
"Salamat Hari Raya" ဆိုတာ မွတ်စလင်တွေရဲ့ ပွဲတော်ရက်ဖြစ်လိမ့်မယ်..။
အဲဒါနဲ့ဘဲ အဲဒီအဆောက်အဦးကို ကျွန်တော် တော်တော် စိတ်ဝင်စားသွားတယ်။
ဒါနဲ့ဘဲ ဒီအဆောက်အဦးဟာ ခရစ္စယာန် အသင်း တသင်းက ပိုင်ဆိုင်တာ မဟုတ်ဘူးဆိုတာကို စိတ်ထဲမှာထင်နေမိတော့တယ်။

ဒီလိုနဲ့ အမှုမဲ့ အမှတ်မဲ့ပါ နေလာလိုက်တာ အချိန်တွေတော်တော်ကြာလာတယ်။
သိပ်မကြာသေးတဲ့ နေတနေ့မှာ အတိအကျ ပြောရရင်တော့ လွန်ခဲ့တဲ့ အပတ်ကပေါ့။
ကျွန်တော် ဘုရားရားကျောင်း သွားတော့ မြင်နေကျ ဆိုင်းဘုတ်ကို ကြည့်မိတော့ "Happy Deepavali" ဆိုတာကြီးကို တင်ထားတာတွေ့ရပြန်ရော။
ဒီလိုနဲ့ဘဲ ကျွန်တော်လည်း အတော်လေး စိတ်ဝင်စားသွားတယ်။ အဲဒီအဆောက်အဦး ဟာ ဘယ်လို အဆောက်အဦးလဲပေါ့။
ဒီည ဘုရားကျောင်းက ပြန်လာရင် ဒီအဆောက်အဦးနား သွားကြည့်မယ်လို့ တေးမှတ်ထားလိုက်တယ်။
ဘုရားကျောင်းပြီးတော့ ဘုရားကျောင်းကနေ လမ်းလျောက်ပြီး အဲဒီအဆောက်အဦး ရှိရာကို လမ်းလျောက်လာလိုက်တယ်။
အနားရောက်မှ သေချာကြည့်တော့ ဗုဒ္ဒဘာသာ ဘုန်းကြီးကျောင်းဖြစ်နေတယ်။
နောက် မြန်မာ အစီအစဉ်တွေနဲ့ သင်တန်းပေးဖို့ ကြေငြာထားတာလည်း တွေ့ခဲ့ရတယ်။

နောက် ဆိုင်းဘုတ်မှာရေးထားတာက "Happy Deepavali" မဟုတ်ဘဲ "Happy Deepavali to all our Hindu friends" လို့ဖြစ်တယ်။
ဒီလိုနဲ့ အဲဒီဆိုင်းဘုတ်ကို ဓါတ်ပုံ ရိုက်ယူလာမိတယ်။
ဟိုအရင် ကျွန်တော် ကားပေါ်က နေမြင်လိုက်ရတာလည်း "Happy Christmas" မဟုတ်ဘဲ "ံHappy Christmas to all our Christian Friends" လို့ဖြစ်လိမ့်မယ်။
ဒီလိုဘဲ "Salamat Hari Raya to all our Muslim Friends"လို့ နုတ်ဆက်ထားမှာ သေချာပါတယ်..။

ညရောက်တော့ အဲဒီ ဓါတ်ပုံလေးကို ကြည့်ပြီး အဲဒီဘုန်းကြီးကျောင်း အကြောင်းစဉ်းစားနေမိတယ်။
နောက်တော့ သူငယ်ချင်းတယောက် ဆီကို ဖုန်းဆက်ပြီး မေးတော့ အဲဒီကျောင်းက ဘုန်းကြီးက မြန်မာပြည် တောင်ကြီးဘက်က တဲ့ဗျ။
အဲဒီ ဘုန်းကြီးကျောင်းကို စင်ကာပူမှာ တောင်ကြီးကျောင်းလို့လည်း ခေါ်ကြတယ်တဲ့။
ကျွန်တော် ပိုလို့တောင် အံ့အားသင့်သွားတယ်။
ကျွန်တော် မြန်မာပြည် တော်တော်များများ ရောက်ဖူးပေမယ့် ဘယ်ဘုန်းကြီးကျောင်းမှာမှ အဲလို တခြားဘာသာ ပွဲရက်တွေကို ဆိုင်းဘုတ်တင်တာ မတွေ့ဖူးဘူးလေ။
ဘယ်ဘုန်းကြီးကျောင်းမှ မဟုတ်ပါဘူး။ဘယ် ခရစ်ယာန်ကျောင်း၊ဘယ် ဗလီ၊ ဘယ်ဘယ် ဟိန္ဒူကျောင်း၊ဘယ် ဘုံကျောင်းမှာမှ ကို မတွေ့ဖူးတာ။
ကျွန်တော်က ဘဲ အရောက်အပေါက်နည်းလို့လားတော့ မသိပါ။ကျွန်တော် အရောက်အပေါက်နည်း လို့ မတွေ့ဖူးတာ ဆိုရင်တော့ ကျွန်တော့်အပြစ်ပါဘဲ။
ဒါပေမယ့် ကျွန်တော့်အတွက်တော့ အထူးအဆန်းဖြစ်နေ သလို အဲဒီလို သဘောထား ပြီးတော့ ဘာသာခြားတွေကို လေးစားကြောင်း၊အလေးထား ကြောင်းပြသတဲ့ အဲဒီ ဘုန်းကြီးကျောင်းကို တသက်နဲ့ တကိုယ် ခုမှတွေ့ဖူးတာပါဘဲ။
အဲဒီ ဘုန်းကြီးကို လည်း သွားတွေ့ဖို့ စိတ်ဆုံးဖြတ်မိတယ်။

ဒီလိုနဲ့ဘဲ မငြိမ်းမချမ်းနဲ့ အကျယ်ကျယ်ဖြစ်နေတဲ့ မြန်ပြည်ကြီးအကြောင်းကလည်း ခေါင်းထဲဝင်လာပါလေရော..။
မြန်ပြည်ကြီးမှာ ဘာကြောင့် အပြီးနိုင် မစီးနိုင် တဦးနဲ့ တဦး ပစ်ကြ၊ခတ်ကြ။
သူလက်ညှိုးထိုး၊ကိုယ်လက်ညှိုးထိုးနဲ့ မဆိုင်တဲ့ လူတွေလည်း မအေးမချမ်းနဲ့ ကျီးလန့်စာ စားနေရကြတယ်။
ပြောနေကြတာပါဘဲ ငြိမ်းချမ်းရေး ငြမ်းချမ်းရေး..။
ငါကတော့ ဘယ်လောက် သဘောထားကြီးတာ.....။
သူကတော့ ဘယ်လောက် တင်းမာတယ်..။
ဒါကတော့ ငါ့မြေ....ဒါကတော့ ငါရေ နဲ့ မပြီးနိုင် မစဲနိုင်အောင်ပါဘဲ......။
ဒါတွေနဲ့ အထက်က ဘုန်းကြီးကျောင်းက ဆိုင်းဘုတ်နဲ့ ဘာဆိုင်လို့တုန်းလို့ မေးချင်နေကြလိမ့်မယ်။
ဆိုင်တာမှ ဟိုဖက်ကမ်းတောင် လွန်ရောလား.....။

ငြိမ်းချမ်းရေး ငြိမ်းချမ်းရေး လို့ ဇွတ်အော်နေပြီး အပစ်တွေရပ်ရင် ငြိမ်းချမ်းပြီလား..။
ငါ့အိမ်ငါနေ၊ မင်းအိမ် မင်းနေဆိုပြီးနေကြ ရင်ရော ငြိမ်းချမ်းတော့မှာလား..။
ကျွန်တော်ကတော့ မထင်....။

ငြိမ်းချမ်းရေး ရဲ့ အဓိက အုတ်မြစ်ဖြစ်တဲ့ တဦးပေါ် တဦးလေးစားမှု၊ အလေးထားမှု ကို အရင်လုပ်ကြရမယ်။
တဦးရဲ့ ဘာသာကို တဦးက လေးစား၊အလေးထားလို့ လေးစားကြောင်း အလေးထားကြောင်း အပြုအမူလေးကို အရင်ပြကြပါအုန်း။
အိမ်ရှင်နဲ့ ဧည့်သည် အိမ်ကောင်းလို့ ဧည့်လာတာ အိမ်ရှင်က ဧည်သည် ကို ဧည့်ဝတ်ကျေပါအုန်း လေးစားပါအုန်း။
ငါက အိမ်ရှင် ဆိုပြီး မာန်မာန တက်နေမယ့်အစား ဧည်သည်ကို ငဲ့ညာပါအုန်း။
ဧည်သည်ကလည်း နေလာတာကြာတော့ လူပါးမ၀ဘဲ အိမ်ရှင် ကိုမစော်ကားပါနဲ့လေ။
နေလာတာကြာတော့ သူကျေးဇူးကို သိလို့ အလိုက်သိသိနေပေးကြပါအုန်း။
စီးပွားရေး သမားတွေကလည်း ဘယ်သူသေသေ ငါ့စီးပွားရေး ရရင်ပြီးရော ဆိုတဲ့ စိတ်ကိုလျော့ကြအုန်း။
တို့စီးပွားရှာလိုက်လို့ ဒီဒေသ ကရတဲ့ ပိုက်ဆံတွေနဲ့ ဒီဒေသ အကျိုးရှိဖို့ ပြုခဲ့ကြအုန်း။

အဲဒီ စင်ကာပူမှာရှိတဲ့ တောင်ကြီး ကျောင်းတိုက်က ဘုန်းတော်ကြီးလို တခြားဘာသာတွေကို လေးစားကြောင်း၊အလေးထားကြောင်း ပြသကြပါအုန်း။
ပါးစပ်ကငြိမ်းချမ်းရေး ငြိမ်းချမ်းရေး ဆိုပြီး ဇွတ်မအော်ကြပါနဲ့အုန်း နားခါးလို့ပါ။
ငြိမ်းချမ်းရေးရဲ့ အခြေခံ အုတ်မြစ်၊ပန္တက် ဖြစ်တဲ့ တဦးအပေါ် တဦးလေးစားမှု အလေးထားမှုကို အရင်ပြကြပါအုန်း.။
တဦးကို တဦး အလေးထား လေးစားတာဟာ အဲဒီလူ အဲဒီ အဖွဲ့အစည်းကို ကြောက်လို့မဟုတ်ဘူး၊စိတ်ဝင်စားလို့ မဟုတ်ဘူး ဆိုတာကို ကိုယ်ရည်ကိုယ်သွေး(Personality)မြင့်မားတဲ့ သူတွေတော့ သိနေလိမ့်မယ်။
တကယ်တော့ ဒါဟာ အသေးအဖွဲလေးပါဘဲ၊ဒါပေမယ့် ဒါကို လိုက်မလုပ်နိုင်ကြဘဲ ငြိမ်းချမ်းရေး ကြီးကို ဘယ်လိုလုပ်မတုန်း။
တဦးကို တဦး မလေးစားနိုင်၊ တဘာသာနဲ့တဘာသာ အလေးမထားနိုင်မှတော့ ဘာလို့ ငြမ်းချမ်းရေးကြီးကို တောင့်တနေကြတာတုန်း။

သူအရင် ငါအရင် နဲ့  ငြိမ်းချမ်းရေးနဲ့ ဝေးရာဆီကို သာလှမ်းလှမ်းနေကြတော့မှာလား။
ကဲ အချိန်သိပ်မနှောင်းသေးပါဘူး၊ တဖက်သားအပေါ် လေးစားမှုရှိကြောင်း အလေးထားကြောင်း တဦးနဲ့ တဦးပြသ လိုက်ကြရအောင်။
အဲဒီ ငြိမ်းချမ်းရေးဆိုတာ ကျွန်တော်တို့ ကဘဲ  တဖက်သားအပေါ် လေးစားမှုရှိကြောင်း၊အလေးထားကြောင်းကိုပြပြီး စကြရအောင်။

အမှန်တော့ ဒီလောကလေးမှာ နေတာ သက်တန့်လေးလိုပေါ့။
သက်တန့်မှာ အရောင်ခုနှစ်မျိုး ၀ါ၊စိမ်း၊နီ၊ပြာ စသည်ဖြစ်ပေါ့..။
အဲဒီ အရောင် ခုနှစ်ရောင်က ရောနှောထားတာ မဟုတ်ဘူး.....။
အဲဒီ အရောင် ခုနှစ်ရောင်က တမျိုးစီ သီးခြားရှိနေတာပါ။
ဒါပေမယ့် အဲဒီ ခုနှစ်ရောင်က အတူတကွပေါင်းစည်း ထားလိုက်တော့ အလွန်လှပတဲ့ သက်တန့်လေးဖြစ်လာတာပါဘဲ။
အဲလိုပါဘဲ ရောနှောလိုက်တာနဲ့ ပေါင်းစည်းတာဟာလည်း ကွဲပြားနေတယ်။
အနီက ငါ့အနီရောင် ပိုများလာအောင် ဆိုပြီး အ၀ါနဲ့ သွားရောလိုက်လို့ကတော့ အ၀ါ လည်း မထွက်သလို အနီလည်း မထွက်ပါဘူး။ ထွက်လာမှာက အစိမ်းရောင်ပါ။
အပြာက လည်း အပြာရာင် တရောင်တည်း နေမယ်ကွာ  ဆိုပြီး နေလိုက်လို့ကတော့ အပြာရောင်မပါတဲ့ သက်တန့်ဟာ ဘယ်လိုမှ ကြည့်လို့ အဆင်ပြေမှာ မဟုတ်ပါဘူး။

ကျွန်တော့် အိမ်မက်ထဲမှာတော့
ကချင်ပြည်မှာ သင်္ကြန်ပွဲ အကြီးအကျယ် ဆင်နွဲမယ်....။
မန္တလေးမြို့မှာ မနောပွဲကမယ်...။
ကယား ကခေါင်ရည်ကို ရန်ကုန်မှာ သောက်မယ်။
ရှမ်း ပဲဘုတ်ကို ရခိုင်မှာစားမယ်။
ချင်းတောင်မှာ မွန်ရိုးရာ ဆောင်းတီးလို့ ကအုန်းမယ်..။
ကရင် ဒုံးယိမ်းကိုတော့ ရှမ်းပြည် မှာ ကကြမယ်။
မြန်ပြည်ရဲ့ ရွေတိဂုံမှာ "Happy X'mass to all our christian friends" လို့ရေးထားတာတွေ့တယ်။
မြန်ပြည်ရဲ့ စိန်ဂျွန် ခရစ်ယာန်ကျောင်းမှာ "Happy Deepavali to all our hindu friends" လို့ ဆိုင်းဘုတ်တင်တာတယ်လို့ မှတ်တယ်။
မြန်ပြည်ရဲ့ နို့ဈေး ဟိန္ဒူ ကျောင်းမှာ " Happy Hari Raya to all our muslim Friends" လို့ ရေးထားပြန်ရော။
မြန်ပြည်ရဲ့ တခြမ်းပဲ့ ဗလီမှာ" Happy Thidinkyut to all our Buddisim Friends" လို့ သူတို့ရဲ့လေးစားမှုကိုပြထားပြန်ရော..။

ကျွန်တော့်ဘ၀ ရဲ့ အိမ်မက်မှာ မြန်ပြည်ဟာ အဲလိုမျိုး ပျော်ရွင်စရာကောင်းတဲ့ ယဉ်ကျေး၊သိမ့်မွေ့ပြီး ငြိမ်းချမ်းတဲ့ နိုင်ငံလေး ပေါ့ဗျာ..။

ဒီးဒိုး။၂၀၊၁၁၊၂၀၁၂။ည၁၁:၃၆။
(အမေ့ မွေးနေ့ အမှတ်တရ)