Friday, August 6, 2010

“လာည က မလာည၊ မလာည က လာည”

“လာည က မလာည၊ မလာည က လာည”
ကွတ်ခိုင်မြို့ အပြင်နားမှာ ပလောင်ရွာလေး တရွာရှိတယ်။
အဲဒီ ရွာလေးနားမှာဘဲ စစ်တပ်တစ်တပ်ရှိတယ်။
ထုံးစံအတိုင်းပေါ့ဗျာ....
ပလောင်ရွာ သူလေးနဲ့ ကိုစစ်သားတို့ လူငယ်သဘာဝ ချစ်ကြိုက်ကြတယ်တဲ့။
ဒီလိုနဲ့ ရွာဦးကျောင်းဘုန်းကြီး ကျောင်းနားမှာ ချိန်းတွေ့ဖို့ အချိန်းအချက် လုပ်ကြတယ်။
ချိန်းတဲ့ ပထမည မှာ ပလောင်ရွာသူလေးက အကိုချစ်သူစစ်သားကို သွားစောင့်တာပေါ့။
ဖြစ်ချင်တော့ အဲဒီညက ကိုစစ်သားက ချိန်းတဲ့နေရာဆီမရောက်ခဲ့ဘူး။တာဝန်ရှိလို့နဲ့တူပါရဲ့။
ဒီလိုနဲ့ ပလောင်ရွာသူလေးက လည်း ကျေကွဲစွာနဲ့ ပြန်သွားပြီး ကိုစစ်သား ငါ့ကိုချစ်မှချစ်ရဲလား လို့ တွေးနေတာပေါ့။
နောက်တပတ် ကျပြန်တော့ ကိုစစ်သားက ပြန်ချိန်းပြန်ရော..
ပလောင်ရွာသူလေးကလည်း ဒီတခါတော့ ချိန်းတဲ့နေရာဆီ ကိုမသွားတော့ဘူးတဲ့။
အစ်ကို စစ်သား ကတော့ အဲဒီည ချိန်းတဲ့နေရာကို ရောက်ခဲ့တယ်။
နောက်တနေ့ ကျတော့
ကိုစစ်သား ကလည်း အချစ်စစ်နဲ့ ချစ်နေတော့ လူကြီးတွေခေါ် ပြီးတော့
ပလောင်ရွာသူလေးကို တခါတည်း သွားတောင်းရမ်းပါတော့တယ်။
ပလောင်ရွာသူလေးက အတွေ့မခံဘူးတဲ့....ချိန်းတဲ့ည က မလာလို့ ဆိုပြီးတော့လေ။
ကိုစစ်သားကလည်း မရမက ပလောင်ရွာသူလေးကို နှစ်ယောက်တည်းတွေ့ပြီး အတင်းရှင်းပြတော့မှ ပြေလည်သွားတော့တယ်။
ကိုစစ်သားကလည်း ပြေလည်သွားပြီဆိုတော့ ရွာသူလေးကို လူကြီးတွေရှေ့ကို ခေါ်လာတယ်။
ဒါနဲ့ဘဲ ကိုစစ်သား ဖက်ကပါလာတဲ့ လူကြီးတွေက ဘယ်လိုဖြစ်တာလဲ
ရှင်းပြပါအုန်းလို့ ပလောင်ရွာသူလေး ကို မေးပါတယ်တဲ့။
ဒီတော့ ရွာသူလေးက သူ့ကိုသူလည်း လက်ညှိးထိုး၊ အစ်ကို စစ်သားကို လည်း လက်ညှိးထိုး ပြီး
ပန်းနုရောင်သန်း ရှက်တဲ့မျက်နှာလေးနဲ့ ပလောင်သံ ဝဲဝဲလေးရော ရောပြီ ဗမာလို ကြိုးစား ပန်းစားဖြေလိုက်တာကတော့

“လာည က မလာည။ မလာည က လာည လေ ဗိုလ်ကြီးရဲ့” လို့ ဖြေရှာသတဲ့။
ကိုစစ်သား ဖက်က လူကြီးတွေက တော့ ပြုံးစိစိပေါ့။
ရွာသူဖက်က လူကြီးတွေကတော့ ခေါင်းတညိတ်ညိတ် နဲ့ပေါ့
ကိုစစ်သား နဲ့ ပလောင်ရွာသူတို့လည်း အဆင်ပြေသွားပါတော့တယ်။
ဒါလဲ ကွတ်ခိုင်မြို့ ရဲ့ ဇာတ်လမ်းတပုဒ်ပါဘဲ ဗျာ...။

ဒီးဒိုး။
၁၃၊၀၇၊၂၀၁၀

No comments:

Post a Comment