ရိုးရာ ပုံပြင်လာတော့ မသိပါ။ ငယ်ငယ်က လူကြီးတွေပြောပြော တာကြားဖူး ပါ။ ပုံပြင်ကို ကြားဖူးတဲ့ အချိန်ကဆို တော်တော် ငယ်သေးတယ်။ ဦးနှောက်ထဲ စွဲနေတာနဲ့ အပေါင်းအသင်း မိတ်ဆွေ အားလုံးကို ဝေမျှချင်တာနဲ့ဘဲ ရေးလိုက်တာပါ။
တခါက ကြွက်တွေကို အနိုင်ကျင့်တဲ့ ကြောင်တကောင် ရှိသတဲ့။ အမှန်တော့ ကြောင်က အနိုင်ကျင့်တာ ဟုတ်ချင်မှဟုတ်မှာပါ။ သဘာဝ အရ သူရဲ့အစာကို ရှာစားတာလည်း ဖြစ်နိုင်ပါတယ်။ အဲဒီနေရာမှာလည်း အဲဒီ ကြောင်တကောင်ဘဲ ရှိသတဲ့။ ဒီတော့ကာ ကြွက်တွေကလည်း တကောင်တည်းရှိတဲ့ ကြောင်ကို အနိုင်တိုက် ချေမှန်းပစ်ဖို့ အဲဒီနေရာကနေ ကြောင်ကို မောင်းထုတ်ပစ်ဖို့ ကြွက်ခေါင်းဆောင်ကြီးက အစည်းအဝေး ခေါ်သတဲ့။ကြွက်ခေါင်းဆောင်ကြီး အစည်းအဝေး ခေါ်တဲ့အတိုင်း ကြွက်တွေက တက်ကြွစွာနဲ့ အစည်းအဝေးကို လာကြသတဲ့။ ရန်သူတော် ကြောင်ကို မောင်းထုတ်ပစ် ဖို့ ဆိုတော့ ပိုပြီး အားပါနေတာပေါ့လေ။
ဒီလိုနဲ့ အစည်းအဝေးလည်းစရော ကြွက်ခေါင်ဆောင်ကြီးက ရန်သူတော် ကြောင်ကို ဘယ်လိုမောင်းထုတ်ရမယ်၊ ဘယ်လို တိုက်ခိုက်ချေမှန်း ရမယ်ဆိုတာ တင်ပြကြပါလို့ ပြောလိုက်တာနဲ့
ကြွက်တကောင်က တက်ကြွစွာနဲ့
”ငါတို့ ဒီနေရာမှာ ပိုပြီး သောင်းကျန်းကြမယ် ဒါဆိုရင် အိမ်ရှင်က ဒီကြောင် ကြွက်မခုတ်ဘူး ကြောင်ပျင်းဆိုပြီး ကြောင်ကို မောင်းထုတ်လိမ့်မယ် ဒါဆိုရင် ငါတို့ လည်း တခြားထိခိုက်တာ မရှိဘဲ ကြောင်ကို ဒီက မောင်းထုတ်နိုင်မယ်” လို့ အားတက်သရော ပြောသတဲ့။
ဒါကိုဘဲ တခြားကြွက်တွေ က
”ဒီနည်းက သိပ်မကောင်းဘူး ငါတို့ရဲ့ လုပ်ဆောင်ချက် မပေါ်လွင်ဘူး ဒီကြောင်ကို ကြွက်တွေ အကြောင်း ကောင်းကောင်းပြ ပြီးမှ ဒီနေရာက ထွက်သွားစေရမှာ ကွ”
လို့ ပြန်ပြော သတဲ့။ အဲဒီ ကြွက်ပြော လည်းပြီးရော....
”ဟုတ်တယ်ကွ”
”ကြွက်တွေ ရဲ့ အကြောင်း ကောင်းကောင်း သိစေရမယ်ကွ” စသည်ဖြင့် တယောက်တပေါက် ပြောနေကြတယ်တဲ့။
ဒီလိုနဲ့ တယောက်နည်းတမျိုး တယောက်နည်းတမျိုး နဲ့ ကြောင်ကို မောင်းထုတ်ဖို့ နည်းလမ်း ရှာမရဘူးတဲ့။
နောက်ဆုံးတော့ ကြွက်တွေရဲ့အစွမ်းလည်း ပြရအောင်၊ ကြွက်တွေရဲ့ စည်းလုံး မှု ရှိအောင် ဆိုပြီးတော့
ရန်သူတော် ကြောင်ကို အားလုံးစုပေါင်းပြီး တိုက်ခိုက်ကြရအောင်လို့ ဆုံးဖြတ်သတဲ့။
ဒီလိုကြွက်ခေါင်းဆောင်ကြီး ရဲ့ ဆုံးဖြတ်ချက်ကို ကြွက်တွေ အားလုံးလည်း သဘောတူ သတဲ့။ သဘောတူတယ် လို့ ပြောလို့ မဆုံးခင်မှာ ဘဲ ကြွက်တကောင်က ထပြီးတော့ ချက်ခြင်း
” ငါကတော့ ကြောင်ရဲ့ နောက်ဘယ်ခြေကို ကို ကိုက်ဖို့ တာဝန်ယူမယ်ကွ ဒါမှ ကြောင်ထွက်မပြေးနိုင်တော့ဘူး”။ အားတက်သရော ပြောတာပေါ့။
ပြောပြီး ချက်ခြင်းဆိုသလို နောက်တကောင်ကလည်း အားကျမခံ
”မင်းက ဘယ်ခြေဆို ငါက ညာခြေ ကွ” လို့ ကြွေးကြော် သတဲ့။
တခြားတကောင် ကျတော့ ”ငါက မင်းတို့ ထက်ပို သတ္တိရှိတယ်ကွ ငါတို့ ကို ကုတ်လာနိုင်မယ့် ကြောင်ရဲ့ ညာလက်ကို ငါ တာဝန်ယူမယ်ကွ” ပြောသတဲ့။
ဒီလိုဘဲ နောက်တကောင် က လည်း အားကျမခံ ”မင်းဘဲ သတ္တိရှိတာ မဟုတ်ဘူးကွ ငါလည်းရှိတာ ဘဲ မင်းက ညာဆို ငါက ဘယ်ကွာ၊ ပါးစပ် တစ်ခုတည်းရှိ လို့ ပေါ့ကွာ နှစ်ခုရှိရင် လက်နှစ်ဖက်လုံး တာဝန်ယူ ကိုက်လိုက်ချင်တာကွ” လို့ ကြက်ခေါင်း ဆိတ်မခံ ပြောသတဲ့။
ဒီလိုဘဲ
တကောင်က ”နားရွက်”
တကောင်က ”မျက်လုံး”
တကောင်က ”အမြီး” စသည်ဖြင့် သတ္တိတွေ ပြနေလိုက်တာ များ ကြောက်ခမန်း လိလိ ဆိုဘဲ။
ကြွက်ခေါင်းဆောင် ကြီးလည်း သူကြွက်တွေ သတ္တိ တွေကြည့်ပြီး အားရ ၀မ်းသာရှိနေသတဲ့။ ငါ့ ကြွက်တွေ
သိပ်ပြီး စည်းလုံးတာဘဲ၊ သတ္တိလည်း အလွန်ရှိတယ်ပေါ့။
ဒါနဲ့ ကြွက်ခေါင်းဆောင်ကြီးက ဆက်ပြီး
” မင်းတို့တတွေ ကိုယ်စီ တာဝန်ယူမှု အတွက်လေးစားပါတယ်။ ကျေးဇူး လဲတင်ပါတယ်။ ဒါပေမယ့် တခုရှိတာက မင်းတို့တတွေ ကြောင်ရဲ့ ဘယ်နေရာကို ဘဲ ကိုက်ပြီးတာဝန်ယူသည်ဖြစ်စေ ကြောင်ကြီးက ငါတို့ကို ပြန်မကိုက်နိုင်အောင် ကြောင်ရဲ့ ပါးစပ်ထဲကို တော့ တကောင်ကောင် ၀င်နေဖို့ လိုတယ်ကွ...ဒါမှမဟုတ်ရင်တော့ ကြောင်ပြန် ကိုက်တာနဲ့ ဘဲ ငါတို့တွေ မျိုးတုန်းသွား နိုင်တယ်ကွ။ ဘယ်သူ ကြောင်ရဲ့ ပါးစပ်ထဲ ၀င်ပြီး ငါတို့ကို ပြန်မကိုက်နိုင်အောင် လုပ်မလဲ။ ကြောင်ရဲ့ ပါးစပ်ထဲ ဘယ်သူဝင်မလဲ၊။”
လို့ကြွက်ခေါင်းဆောင်ကြီးက သူ့ရဲ့ ကြွက် သူရဲကောင်းတွေကို မေးလိုက်တယ်။ ကြွက်ခေါင်းဆောင် ကြီးရဲ့ စကား အဆုးံမှာဘဲ ခုနက သတ္တိတွေ ပြနေတဲ့ ကြွက်သူရဲကောင်းတွေ ထဲမှာ အပ်ကျသံ ကြားရလောက်အောင် တိတ်ဆိတ်ငြိမ်သက်သွား သတဲ့။ ဒီလိုနဲ့ ဘဲ တိတ်ဆိတ်မှုတွေကြီးစိုးရင်း.....
ကြွက်ခေါင်းဆောင် မျက်လုံးပြန်ဖွင့်တဲ့ အခိုက်မှာတော့ ကြွက်တကောင်မှ အစည်းအဝေးမှာ မရှိတော့ဘူးတဲ့လေ။
ပုံပြင်လေးကတော့ ဒါပါဘဲ ဗျာ။ ကဲ ဘယ်သူများ......။
No comments:
Post a Comment