Saturday, June 19, 2010

ဂါဟတ် ကိုက်တတ်သည်။

” ကိုယ်မှာမတတ် စာမှာတတ် ဂါဟတ်ကိုက်တတ်သည်။ ( ဒီပဲယင်း ဆရာတော် )”
စာလေးကို ဖတ်လိုက်ရတော့ ကိုယ်တိုင်ရင်ဆိုင်တွေ့နေရတဲ့ ပတ်ဝန်းကျင်က ဆက်ဆံနေရတဲ့ လူကို သတိရမိတယ်။
ဒီစာကို ရေးမယ်လို့ ကြံတော့ သူ့ကို ရည်ရွယ်ပြီးရေးမယ်လို့ စဉ်းစားမိတဲ့ တချိန်တည်းမှာဘဲ ကိုယ့်ကိုကိုယ်လဲ ဆင်ခြင်ရအောင်
ရေးမယ် လို့ ဆုံးဖြတ်ပြီးရေးတာပါ။ ထို့ထက်ပို၍ ကျွန်တော် အပါအ၀င် အားလုံး စာမှာဘဲတတ်ပြီး လက်တွေ့ အဖြစ်မရှိရင်
အပါယ်ငရဲ ကျတတ်ကြောင်း နဲ့ အရှက်ရတတ်ကြောင်း သိစေလို၊ဆင်ခြင်စေလိုသော စေတနာ တစ်ခုတည်းဖြစ်သာ ရေးသားရပါကြောင်း သိစေအပ်ပါသည်။

ကျွန်တော် တွေ့ကြုံ ဆက်ဆံနေရတဲ့ လူပေါ့ဗျာ၊ ဒီလူကို စတွေ့တော့ အင်တာဗြူး တစ်ခုမှာပေါ့။ အင်တာဗြူးမှာ
တွေ့တုန်းကတော့ အင်ဂျင်နီယာ ဘွဲ့ရဆိုတော့ စိတ်ထဲမှာ အထင်ကြီးတာပေါ့။ အင်တာဗျူး ပြီးတော့ သူပြောတဲ့ စကားတွေကို
နားထောင်ပြီး ကိုယ့်ကိုကိုယ်တောင် အားငယ်သွားတယ်။ တစ်ချို့ စကားလုံးတွေဆို ကိုယ်တောင်မကြားဖူးတဲ့ စကားလုံးတွေပါတာကိုး။စိတ်ထဲမှာလဲ အားကျမိတာပေါ့ ကိုယ့်ထက်လဲ ငယ်တာကိုး။ ငယ်ငယ်ရွယ်ရွယ် နဲ့ အင်ဂျင်နီယာဘွဲ့ လဲ ရ၊ ပြောတဲ့ စကားတွေကလည်း ကိုယ်တောင် မကြားဖူးဘူးဆိုတော့ အတွေ့အကြုံလဲ တော်တော်ရှိမှာ ဘဲလို့ထင်မိတာပေါ့လေ။
ဖြစ်ချင်တော့ အဲဒီ အင်တာဗျူးကို ကျွန်တော် လဲ အောင်သွားတယ်၊ ဒီလိုနဲ့ အဲဒီ အင်ဂျင်နီယာ ဆိုသူနဲ့ ဆုံဖို့ ဖြစ်လာတယ်။ ပထမတော့ ကိုယ်တော့ ၀မ်းသာမိတာပေါ့ ကိုယ်ထက်တော်တဲ့ သူနဲ့အလုပ်အတူ တွဲလုပ်ရမယ်ဆိုတော့လေ။

ဒီလိုနဲ့ သူက ကျွန်တော့် အရင် အလုပ်ရှိရာ နိုင်ငံဆီကိုသွားနှင့်တာပေါ့။ကျွန်တော်တို့က နောက်ကလိုက်သွားရတာပေါ့။ ကျွန်တော်တို့ လဲ ရောက်သွားပြီး တရက် နှစ်ရက် ဘဲရှိအုန်းမယ်၊ သူက ကျွန်တော်တို့ကို သတိပေးတယ် စေတနာနဲ့ သတိပေးတာ လဲဖြစ်နိုင်တယ် ဆိုတာ ထက် ခြိ်မ်းခြောက်ရာ က ပိုနေတယ်။ သူလာပြောတာ က သဌေးကို ဘာမှပြန်မပြောဖို့ နဲ့ သဌေး စိတ်ဆိုးရင် အပြစ်ပေးတတ်ကြောင်း..နီပေါလေး တယောက်ကို ပြန်ပြောလို့ ဆိုပြီး ချမ်းချမ်းဆီးဆီး နှင်းတောထဲ မှာ ရပ်ခိုင်းထားကြောင်း ပြောပြတယ်။ စိတ်ထဲမှာတော့ ကျွန်တော် တို့ က တရားဝင်လာ အလုပ်လုပ်တာ သူဌေးဆိုသူ ပရမ်းမတာတော့ လုပ်လို့ မရဘူးလို့ မှတ်ထားတယ်။ အင်ဂျင်နီယာ ဘွဲ့ ရကြီးတော့ တော်တော် လန့်နေတဲ့ ပုံဘဲ။

နောက်တော့ မကြာခဏ ဆိုသလို သူကျောင်းမှာ သင်ခဲ့ရတဲ့ သီအိုရီ အကြောင်း၊ သူလေ့လာဖူးတဲ့ စာအကြောင်း၊ လေယာဉ်ပျံကြီး က လေတွေကို ဘယ်လို ကျစ်ထုတ်ပြီး ကောင်းကင်ပေါ် ပျံတတ်သွားကြောင်း၊ ဟိုက်ဒရောလစ် အလုပ်လုပ် ပုံအကြောင်း၊ အဲယားကွန်း က လေတွေကို ဘယ်လို အလုပ်လုပ်ကြောင်း စသည်ဖြင့် ကြားဖူးတာရော မကြားဖူးတာပါ စုံစီနေတာပါဘဲ။ ဒါပေမယ့် လက်တွေ့ပြသာနာ ကို ဖြေရှင်းရပြီ ဆိုရင် ရုံးထဲ ကို email စစ်ရအုန်းမယ်ဆို ပြီးပျောက်သွားတော့တာပါဘဲ.။ တစ်ခါ နှစ်ခါ မဟုတ်တော့ လက်တွေ့ မရှိ မှန်းသိလာတဲ့ အပြင် မာနလေး ကလည်း ပြလာတယ်ဗျ။ တစ်ခါ ကျွန်တော် က အကူအညီတောင်းပြီး မော်တာပြင်ဖို့ ပြောတော့ အင်ဂျင်နီယာ ဂွရှင် မကိုင်တော့ဘူး ဆိုပြီး မကူညီတဲ့ အပြင်ရှေ့ မှာ ဒီတိုင်းကို ထိုင်နေတာဗျ.။ကျွန်တော်လဲ ဘာမှမပြောတော့ဘဲ အလုပ်ဆက်လုပ်နေ လိုက်တယ်။ သူ့ အကြောင်းလဲ သိပြီဆိုတော့ ပြောစရာလဲ မလိုတော့ဘူးလေဗျာ။

အမှန်တော့ ကျောင်းမှာ သင်ခဲ့တာလဲ သင်ခဲ့ပြီးတဲ့ အတိုင်းတာ တခုထိ တတ်မှာတော့ အမှန်ပါဘဲ။ ဒါပေမယ့် စာမှာတတ်တာ နဲ့ လက်တွေ့ ရင်ဆိုင်လုပ်တဲ့ အခါ တခါတလေ ကြီးကြီးမားမား ကွဲပြားမှုကို ရှိတာတော့ မကြာခဏ ကြုံဖူးတယ်ဗျ။ တကယ့် လက်တွေ့မှာလုပ်ရမှာက ကျောင်းမှာ သင်လာတဲ့ အခြေခံသဘောတရားကို တကယ်လုပ်ရမယ့် အလုပ်မှာ ဆက်စပ်တွေးခေါ် လုပ်ဆောင်ရမှာ လို့ ထင်တယ်ဗျ။ စာတွေ့မှာ ရခဲ့တဲ့ အသိ အတွေ့အကြုံ ကို လက်တွေ့ အလုပ်မှာ တသွေမသိမ်း လိုက်နာ ဆောင်ရွက်လို့ မရသလို၊ လက်တွေ့ လုပ်နေချိန်မှာ လည်း စာမှာ သိခဲ့တာကို လုံးဝ ပြစ်ပယ်လို့မရတာ အမှန်ဘဲ လို ထင်တယ်။ တကယ့် လိုက်နာ ရမယ့် သီအိုရီတွေက လွဲရင်ပေါ့။

UK မှာ civil အင်ဂျင်နီယာဘွဲ့ ယူလာ တဲ့ အင်ဂျင်နီယာ တယောက်က အင်ဂျင်နီယာ အလုပ် ကို ဒီလို အဓိပ္ပါယ် ဖွင့်တယ်ဗျ”

ENGINEERING IS NOT ONLY ABOUT SITTING IN A NICE OFFICE AND WORKING ON AUTO CAD; IT IS MORE ABOUT REAL LIFE PROBLEM SLOVING ABOUT GIVING BACK TO SOCIATY.IT CAN BE AS MUCH A 'CARING' PROFESSION AS TEACHING OR NURSING ”

”ပိုဆိုးတာက ကိုယ်သင်ခဲ့တဲ့ ပညာတွေကို အခြေခံပြီး ငါပညာတတ်တယ်ဆိုပြီး သာယာနေတဲ့ တဏှာ၊ သူတို့ထက် ငါသာတယ်၊ သူတို့ ငါ့လောက်မသိပါဘူးဆိုတဲ့ တက်ကြွနေတဲ့ မာန၊ ငါ ပညာတတ်တာဆိုတဲ့ ဒိဋ္ဌိ၊ အဲဒီ တဏှာ မာန ဒိဋ္ဌိ ဆိုတဲ့ ဂါဟတရားကြီး သုံးပါးက ပညာတတ်ကြီးကို ပြန်ကိုက်ပါလိမ့်မယ်၊ ဂါဟ အကိုက်ခံ ရရင်တော့ အပါယ် ငရဲ ဆင်းရဖို့ဘဲ ရှိပါတတော့တယ်။ ဒါဟာ စာမှာသာတတ်ပြီး ကိုယ်မှာ မတတ်တဲ့ သဘောပါ။ ဒါကို ဘဲ ဒီပဲရင်းဆရာတော်ကြီးက ”ကိုယ်မှာမတတ်၊စာမှာတတ် ဂါဟတ်ကိုက်တတ်သည်” လို့ သြ၀ါဒပေးခဲ့တယ်။ ””ရဝေနွယ် (အင်းမ) မဂ်လာ အတွေးများ စာအုပ်မှ ကောက်နုတ်တင်ပြပါတယ်။

No comments:

Post a Comment