ဖြစ်ပျက်သမျှဟာ မြန်ဆန်လွန်းလို့
နောက်ဆုံးပုံရိပ်လေးဘဲ
မှတ်ညဏ်ထဲ မှတ်မိတော့တယ်။
ခိုလေးတွေ အစာကျွေးနေတုန်း
ငြိမ်းချမ်း မှုတွေ ပျောက်ဆုံးခဲ့တယ်။
တကယ့်ကို ခဏလေးပါဘဲ။
အဖြူရောင် ဂျိုးငှက်လေး
ရုတ်တရက် ပျံသွားခဲ့တာ
ဝမ်းစာ ပူဆာ မနေသာ တဲ့
သိမ်းငှက်ရဲ့  တိုက်ခိုက်ခြင်းဟာ
ဂျိုးငှက် ရဲ့  နောက်ဆုံးနေ့ ကို ဆုံးဖြတ်ပေးနိုင်လို့ဘဲ။
အဖြူရောင် ဂျိုးငှက်လေး ဘ၀ဟာ
အမှောင်ကို ရုတ်ချည်းပြောင်းလဲ
အားလုံးကိုထား ခဲ့ရမယ်လို့
ငါ့ကို ပမာပြလိုက်သလိုပါဘဲ။
သက်ရှင်နေထိုင်ဖို့ဘဲ ရှေ့ ရှုမလား
သေခြင်းတရား ကိုကျော်ကာထားလို့
ဘ၀ကို ပျော်ပျော် လေးဘဲနေကာထား။
မမျှော်လင့်တဲ့ အချိန်၊နေရာ မှာ
သေခြင်းတရား သိမ်းငှက်ဟာ
ဂျိုးငှက်ကို တိုက်ခိုက်သလို
တိုက်ခိုက်ခြင်း မခံရသေးခင်
နေခြင်းနဲ့ သေခြင်းကို
တို့တတွေ ချိန်ခွင်လျှာ ညှိကြရအောင်။
တူညီခြင်းတွေ မရောက်လာခင်
အချိန်ရှိတုန်း ကြိုးစားနေတုန်း
ရင်မှာမျှော်လင့်ချက် ရင်ဝယ်ပိုက်နေတုန်းမှာဘဲ။
သူငယ်ချင်းရေ.....မင်းသွားနှင့်တော့
နောက်မှလိုက်ခဲ့မယ်
ကောင်းရာသုဂတိလားစေဖို့
မင်းအတွက်ငါ အမျှဝေမယ် သူငယ်ချင်း.....
နောက်မှလိုက်ခဲ့မယ် သူငယ်ချင်း....
ဒီးဒိုး
၀၃၊၀၃၊၂၀၀၁၀
No comments:
Post a Comment