ညီလေး(၃)

ညီလေးရေ ခိုင်ပီးရေ..။
ညီလေး လဲ နှစ်တစ်ရာစုရဲ့ ခရီးသွား တယောက်ဖြစ်လာတော့ နှစ်ဆယ့်တစ်ရာစုမှာ မသိမဖြစ် မတတ်မဖြစ်တဲ့ အရာလေးတွေကို ဝေမျှချင်တယ်။ ညီလေး စာပေဖတ်အားကောင်းရင်တော့ သိလိမ့်မယ်။ကျောင်းစာတွေ နဲ့ လုံးပန်းရင်း အပြင်စာတွေ မဖတ်ဖြစ်ရင်တော့ အစ်ကိုရေးတဲ့ စာကိုတော့ ဖတ်ပေါ့။ နှစ်ဆယ့်တစ်ရာစုမှာ စာတော့ ဖတ်အားကောင်းမှ ဖြစ်လိမ့်မယ် ညီလေးရေ။
ဂျပန်တွေ ဟာ အားရင် စာဖတ်သတဲ့။အားနေတဲ့ အချိန်ဟာ လဲ စာဖတ်နေတဲ့ အချိန်။ ဒီတော့ စာဖတ်တဲ့ အချိန်ဟာ အားနေတဲ့ အချိန်ဘဲ ဖြစ်တယ်လို့ ကြားဖူးတယ်။ မြန်မာ နိုင်ငံမှာနေတုန်းက တော့ ကားပေါ်၊မီးရထားပေါ်၊ပန်းခြံတွေ ထဲမှာ စာအုပ်တအုပ်ကို သည်းကြီးမဲကြီးဖတ်နေတာ မတွေ့ဖူး သလောက်ဖြစ်ခဲ့ပေမယ့် စင်ကာပူ မှာ ရောက်တုန်းကတော့ ဘတ်ကားပေါ်၊မီးရထားပေါ်၊ပန်းခြံတွေ ထဲ စာအုပ်ထူထူကြီးတွေ ကို သည်းကြီးမဲကြီး ဖတ်နေတဲ့သူတွေ၊စာအုပ်တွေ ညှို့ယူဖမ်းစားမှုအောက် ရောက်နေတဲ့ မျက်မှန်ထူထူ နဲ့ လူငယ်တွေကို တွေ့ခဲ့ရတယ်။ တိုးတက် တဲ့ တိုင်းပြည်တွေ ရောက်လာတိုင်း စာအုပ်စာပေ ဟာ ဘယ်ရောက် အရေးတကြီး နေရာယူထားတယ်ဆိုတာပို သိလာတယ်။ ဒီမှာတော့ ဩစတေးလျှ က အင်ဂျင်နီယာ တယောက်ရဲ့ အိမ်ကို အဲယားကွန်း ပြင်ဖို့ ရောက်သွားတုန်းက အစ်ကို တအံ့ တဩဖြစ်ခဲ့ ရတာလေးပြောပြချင်တယ်။ အဲယာကွန်းပြင်ဖို့ မီးဖိုချောင်ထဲဝင်သွားတော့ စာအုပ်စင်လေးတွေ့တယ်၊အစ်ကို လည်း စာအုပ်မြင်တော့ကိုင်ကြည့်တာပေါ့...ဟုတ်ပါ့ဗျာ...ချက်ရေး၊ပြုတ်ရေး စာအုပ်တွေ၊ဝိုင်စပ်နည်း စာအုပ်တွေ၊မတည့်တဲ့ အစားအစာ ကို သတိပေးတဲ့ စာအုပ်တွေ ကို ရေခဲသတာဘေးမှာစင်လေးနဲ့ ထားတာ။ ဒီလိုနဲ့ အဲယားကွန်းတွေ တစ်ခုပြီးတခု လိုက်စစ်ရင်း စစ်ရင်းက နေရာတကာတွေ့ရတာကတော့ စာအုပ်စင်တွေပါဘဲ ဧည့်ခန်းမှာ၊အားကစားလုပ်တဲ့ အခန်းမှာ၊မှန်တင်ခုံဘေးမှာ၊ အိပ်ယာဘေးမှာ စာအုပ်နဲ့ စာအုပ်စင်နဲ့လေ။ နောက်ဆုံး အားလုံးပြီးတော့ သန့်စင်ခန်းကို သွားရော အိမ်သာ ဘိုထိုင်ရဲ့ဘေးမှာ စာအုပ်စင်လေးနဲ့ အိမ်သာသွားရင်းနဲ့လည်းစာဖတ်လို့ ရတာပေါ့။ ဒီတော့ ညီလေးရေ..စာကိုတော့ မျာများဖတ်စေချင်တယ်။ သူများတွေ စာများများ မဖတ်တာတော့ သိပ်ပြောစရာမရှိဘူး။ညီလေး စာများများ မဖတ်ရင်တော့ ပြောစရာရှိလာလိမ့်မယ်။ဘာဖြစ်လို့လဲ ဆိုတော့ တို့တတွေမှာ ဦးဆောင်လုပ်ပြ၊လမ်းညွန်မယ့် အဖေ ဆိုတာ မရှိဘူး၊ နူညံ့ သိမ့်မွေ့မှုတွေ သည်းခံ၊ခွင့်လွတ်မှုတွေ သင်ကြားပေးမယ့် အမေနဲ့ လည်း အဝေးမှာနေရတာလေ။ ဒီတော့ စာများများဖတ်ပါ။စာအုပ်ကို သူငယ်ချင်းလုပ်ပါ။ဒါပေမယ့် စာအုပ် တိုင်းက ဖော်ပြတာတွေကို တသွေမသိမ်းလိုက်နာဖို့ မဟုတ်ဘူး။ အဲဒါတွေ ကို ညီလေး စဉ်းစား၊ဝေဖန်၊ပိုင်ခြား နိုင်ဖို့ဘဲ ဖြစ်တယ်။
ညီလေးရေ..အဓိကပြောချင်တာက နှစ်ဆယ်တစ်ရာစု ရဲ့”အ” သုံးလုံး တတ်မြောက်ရေးဘဲ။ ညီလေးတို့ ခေတ် ဒီဘက်ပိုင်းမှာတော့ ”အ”သုံးလုံး လူပ်ရှားမှု မရှိတော့ပါဘူး။..အကိုလည်း ငယ်ငယ်က ကြားဖူးတာ။စာမတတ်သူ တွေကိုစာလိုက်သင်ပေးတာ။လူတိုင်းစာတတ်မြောက်ရေးလှုပ်ရှားမှုပေါ့။ အလုပ်လုပ်ရင်း စာသင် စာသင်ရင်း အလုပ်လုပ် ဆိုတဲ့ ဆောင်ပုဒ်တွေနဲ့ ဘာနဲပေါ့။ အဲလိုဘဲ နှစ်ဆယ်တစ်ရာစု မှာလဲ ”အ” သုံးလုံး လူတိုင်း ကျေညှက်တတ်မြောက်ဖို့ အရေးကြီးတယ်တဲ့။နှစ်ဆယ့်တစ်ရာစု ရဲ့”အ” သုံးလုံး က ဘာတွေလဲဆိုတော့

၁။”အ” ဆက်မပြတ် လေ့လာ သင်ယူရေး။
၂။”အ” တာနက် ကျွမ်းကျင်စွာ အသုံးပြုနိုင်ရေး။
၃။”အ”င်္ဂ လိပ်စာ ကျွမ်းကျင်စွာ အသုံးပြုနိုင်ရေး။ တို့ ဖြစ်တယ်တဲ့။

၁။”အ” ဆက်မပြတ် လေ့လာ သင်ယူရေး။
အဆက်အပြတ် လေ့လာ သင်ယူရေးဟာ ဘာကြောင့် အရေးကြီးသလဲ ဆိုရင် အဆက်မပြတ်တိုးတက်နေတဲ့ ကမ္ဘာကြီးကြောင့် ဖြစ်တယ်။ တကယ်လို့ အဆက်မပြတ် လေ့လာ သင်ယူရေးသာ ရပ်တံ့ခဲ့မယ်ဆိုရင် နောက်မှာနေခဲ့ရတော့မှာ သေချာပါတယ်။ ဟုတ်ပြီ ဒါဆို ရင် အလုပ်လုပ်စရာမလိုတော့ဘူးလား စာသင်နေရတော့မှာလားလို့မေးစရာ ရှိလာပြန်ရော။အမှန်ပြောရမယ်ဆိုရင် ညီလေးရေ အကိုတို့ ကောလိပ်တက်တုန်း ကတော့ ကျောင်းက သင်ပေးတဲ့ စာတွေ သိပ်ပြီးမသိမတတ်ပါဘူး ဒါပေမယ့် အကို တတ်ခဲ့တာကတော့ ကိုယ်သိချင်၊တတ်ချင်တာ ကို ဘယ်လိုလေ့လာရမယ်၊ရှာဖွေရမယ် နဲ့ ပေါင်းသင်းဆက်ဆံရေး တော့ နည်းနည်းတတ်ခဲ့တာပေါ့။ စကားတခွန်းကြားဖူးတယ်။ ဘွဲ့ရတယောက်ဟာ ကိုသိချင်၊တတ်ချင်တာ (self study)ကို ကိုယ့်ဟာကို ရှာဖွေလေ့လာတတ်ရမယ်တဲ့ကွ၊ (self study) ကို ပြောတာပေါ့။ (self study)ကို တတ်ပြီ ဆိုရင်တော့ ဘယ်မှာ သင်ကြားလေ့လာမလဲ။ စာအုပ်တွေ လိုက်ရှာဝယ် ဖတ်မလား။ ပိုက်ဆံကုန်ငွေ ကုန် အချိန်ကုန်မယ်။ အဲဒီက စ နံပါတ် နှစ်ဖြစ် တဲ့ အင်တာနက် ကျွမ်းကျင်စွာ အသုံးပြုနိုင်ရေး ကို ရောက်သွားပြီ။

၂။”အ” တာနက် ကျွမ်းကျင်စွာ အသုံးပြုနိုင်ရေး။
အင်တာနက် ကျွမ်းကျင်စွာ အသုံးပြုနိုင်ရေး ဟာ ဘာကြောင့် နှစ်ဆယ်တစ်ရာစု ရဲ့ ”အ” သုံးလုံးမှာ အရေးပါလာသလဲ။ (self study)ကို လေ့လာနေတဲ့ သူတယောက်အတွက် အင်တာနက် ကျွမ်းကျင်စွာ အသုံးပြုနိုင်ဖို့ အလွန်ရေးကြီးတယ်။ဒီနေ့ ညီလေး ဘာကို လေ့လာချင်သလဲ အင်တာနက်ပေါ်သွား (search engine)မှာ ကိုယ်လေ့လာလိုတဲ့ ဘာသာရပ်ရိုက်ထည့် သူကရှာပေးလိမ့်မယ်။ ဒီနေ့ ပိုတိုးတက်လာတော့ စာဘဲဖတ်လို့ ရတာမဟုတ်ဘူး၊ မရှင်းမှာလဲ မပူနဲ့ ရုပ်ရှင် ဖိုင်တွေနဲ့..ရုပ်ပုံတွေနဲ့ ရှင်းပြလိမ့် မယ်။ ဒီတော့ အင်တာနက် ကျွမ်းကျင်စွာ အသုံးပြုနိုင်ရေးဟာ လဲ အလွန်အရေးကြီလာတယ်။ ဒီနေ့ထိတော့ မြန်မာ နိုင်ငံမှာ အင်တာနက် အသုံးပြုရတာ ဟာ စာအုပ်ဝယ်ဖတ်ရတာ ထက်ပိုပြီး သက်သာလိမ့်အုန်းမယ်။ အင်တာနက် ကို ကို ကျွမ်းကျင်စွာ အသုံပြုနိုင်ဖို့ ဆိုရင် နံပါတ်သုံး ဖြစ်တဲ့ အင်္ဂလိပ်စာ ကျွမ်းကျင်စွာ အသုံးပြုရေး က အရေးပါဘာပြီ။

၃။အင်္ဂလိပ်စာ ကျွမ်းကျင်စွာ အသုံးပြုရေး
အင်္ဂလိပ်စာ ကျွမ်းကျင်စွာ အသုံးပြုရေး ဘာလို အရေးပါလာတာလဲ ဆိုရင် အရင်က ပြောတဲ့ အတိုင်းဘဲ။ နောက်ဆုံးပေါ်တွေကို လေ့လာတော့မယ် ဆိုရင် အင်္ဂလိပ်စာ တတ်ကို တတ်မှ ဖြစ်မယ်။မဟုတ်သေးဘူး ကျွမ်းကျင်စွာ တတ်မှ ဖြစ်မယ်။ အင်တာနက်ကို အသုံးပြုတော့မယ်ဆိုရင် လည်း အင်္ဂလိပ်စာ ကို ကျွမ်းကျင်စွာ တတ်အုန်းမှ ဖြစ်မယ်။ ခုခါတော့ မြန်မာ လို ထုတ်လွင့်တဲ့ အင်တာနက်စာမျက်နှာတွေ ရှိလာပြီဆိုပေမယ့် အင်္ဂလိပ်နဲ့ စာရင်တော့ တော်တော့် ကို နည်းနေသေးတယ်။ ဒီတော့ကာ အင်္ဂလိပ်စာ ကို ကျွမ်းကျင်စွာ တတ်မြောက်သင့်တယ်။ဒီတော့ ညီလေးရေး အင်္ဂစာကျွမ်းကျင်စွာတတ်မှ၊ အင်တာနက်ကို ကျွမ်းကျင်စွာ အသုံးပြုနိုင်မယ်၊ အင်တာနက်ကို ကျွမ်းကျင်စွာ သုံးနိုင်မှ ကိုယ်လေ့လာလိုတဲ့ ပညာရပ်ကို စဉ်ဆက်မပြတ်လေ့လာနိုင်မယ်။ အဲလိုမှ တိုးတက်နေတဲ့ ကမ္ဘာကြီး ကို လိုက်မှီ လိမ့်မယ် ညီလေးရေ။ ဒီတော့ကာ နှစ်ဆယ့်တစ်ရာစုရဲ့ ”အ” သုံးလုံးဟာ ဘယ်လောက် အရေးပါလဲ ဆိုတာ ညီလေး ချင့်ချိန်နိုင်လိမ့်မယ် လို့ ယုံကြည်မျှော်လင့်ပါတယ်။

အစ်ကိုကြီး
ဒီးဒိုး။
၁၃၊ဝ၇၊၂၀၁၀။

ဟိုအရင် ဟောပြောပွဲ တစ်ခုမှာ "အ” သုံးလုံးအကြောင်း ကြားခဲ့ရသည်ကို တတ်သလောက် ပြန်ရေးပြီး ညီလေး သို့ ပြောပြခြင်း ဖြစ်ပါသည်။

”နှင်း”

နှင်း။
နေရောင်လာရင် ကွယ်ပျောက်မှာစိုး
ဖြူစင်တဲ့ အေးမျှခြင်းတွေနဲ့
ဘ၀တစ်ခု ချမ်းမြေ့ဖို့
ကိုယ်အနားမှာ အမြဲနေပါလား နှင်းရယ်။

နှင်း။။
လောကအလယ် ငိုနေမှာစိုး
ရှင်းသန့်တဲ့ အားပေးမှုတွေနဲ့
ဘ၀တစ်ခု ပျော်ရွင်စေဖို့
ကိုယ်အနားမှာ အမြဲနေပါလား နှင်းရယ်။

နှင်း။။။
မှုံမှုံဝေရင် ရွင်လန်းစေလို့
သာယာတဲ့ တေးသံတွေနဲ့
ကမ္ဘာမြေ သာယာစေဖို့
ကိုယ်အနားမှာ အမြဲနေပါလား နှင်းရယ်။



ဒီးဒိုး။
၁၃၊၀၇၊၂၀၁၀။

"မ”

မ...
မရင်းနှီးလွန်းပေမယ့် အတွေးထဲနီးလွန်းတယ်။
မခင်လွန်းပေမယ့် သူငယ်ချင်းတွေထက်ပိုတယ်။
မဆိုင်ပေမယ့် သွေးရင်းထက် စေတနာပိုတယ်။
မတွေးပေမယ့် အတွေးထဲရှိနေတတ်တယ်။
မပိုင်ဆိုင်ပေမယ့် သံယောဇဉ်ရှိတယ်။
မနီးပေမယ့် အကြင်နာပိုတယ်။
မ.....
ပြောင်းလဲတတ်တဲ့
လောကအကြောင်း မသိဘူး။
ပြောင်းလဲတတ်တဲ့
မိန်းမတွေအကြောင်း မသိဘူး။
ပြောင်းလဲတတ်တဲ့
မျက်ဝန်းတွေအကြောင်း မသိဘူး။
ပြောင်းလဲတတ်တဲ့
နုတ်ခမ်းလေးတွေ အကြောင်း မသိဘူး။
ပြောင်းလဲတတ်တဲ့
စကားလုံးတွေ အကြောင်း မသိဘူး။
ပြောင်းလဲတတ်တဲ့
”မ” ရဲ့ အကြောင်းလဲ မသိဘူး။

မ...
ယုတ္တိ မရှိဘူးထင်ရင် သွားလိုက်ပါ
ထားသွာစလိုက်ပါ။
ပျော်နေတယ်လို့ ထင်ရင် သွားလိုက်ပါ
ထားသွားလိုက်တော့။
အကြင်နာတွေ ပိုနေမယ် ထင်ရင် ထားသွားလိုက်ပါ။
သွားလိုက်ပါ။


ဒီးဒိုး။
၂၄၊၀၅၊၂၀၁၀။

အထူထူဘဲ..

တနေ့သော ကွတ်ခိုင်မြို့ရဲ့ ဈေးနေ့။
ဆိုင်လေးကို ခင်းပြီး ၀ယ်သူကို မျှော်ရတာပေါ့။
ဒါနဲ့ ဆိုင်ရှေ့ ကို ကချင် ကောင်လေး သုံးယောက် ရောက်လာတယ်။
သုံးယောက်လုံးက ဗမာစကားကို တော်တော်လေးပြောတတ်ကြတယ်။
သူတို့က ပစ္စည်းဈေး ဟိုမေး၊ဒီမေး ပေါ့။
ကျွန်တော် လည်း အားစိုက်နားထောင်းရင်း ပြန်ဖြေရတာပေါ့။ရောင်းချင်တယ်လေ.။
သူတို့ ထဲ က တယောက်က ဟိုဟာပြပါ၊ဒီဟာပြပါ လို့ ကချင်သံ ၀ဲဝဲ လေးနဲ့ ကျွန်တော်ကို မေးတယ်။
မေးနေတုန်း တနောက်တယောက်က ဈေးမေးနေတဲ့ ကောင်းလေးကို လှမ်းပြောတယ်။
”ဟေ့ရောင် မင်းဗမာ စကားပြောတာ ဖီလဲမဖီဘူး” လို့ ဗမာလို လှမ်းပြောတယ်။
ဒါနဲ့ ကျန်တဲ့တယောက် ကလည်း
”မင်း သူများကို အပြစ်မတင်နဲ့”
”မင်းတို့ နှစ်ယောက်လုံး အထူထူ ဘဲ” တဲ့ ဗျာ...။
ကဲ ဗျာ ဘယ်သူက အပီသဆုံးလဲ ဆိုတာတော့ စာဖတ်သူများဘဲ သိပါလိမ့်မယ်။
ကွတ်ခိုင်မြို့ ရဲ့ တစ်ခုသော ဈေးနေ့ ကပေါ့ ဗျာ...။

မိုးချုပ်ဘောင်းဘီ ညီလေးကို ဈေးငယ်ငယ် နှင့်ရောင်းထွက်ခဲ့ခြင်း။

ကွတ်ခိုင်မြို့ရဲ့ အေးတဲ့ရာသီ၊ ငါးရက်တဈေးဖွင့်တဲ့ ကွတ်ခိုင်မြို့ တစ်ခုသော ဈေးနေ့မှာပေါ့။
ဈေးနေ့ ဆိုတော့ ဈေးဝယ်သူတွေ မလာခင် ဆိုင်ကို အဆင့်သင့်ဖြစ်အောင် ပြင်ဆင်နေရင်းက
ပလောင် လူငယ် လေး၊ငါးယောက်လောက် ဆိုင်ရှေ့ ရစ်ရစ်သီ လုပ်နေတာ တွေ့လိုက်တယ်။
ပလောင်ဘာသာ စကားကို ရေမက်မ၀င်အောင် ပြောဆိုနေကြတယ်။
ဆိုင်ခင်းပြီးချိန်လောက်မှာ
“ညီလေးတို့ ဘာလိုလို့လဲ” လို့ ဦးကြိုပြုရင်း မေးလိုက်ရာ....
”အစ်ကို ဟို....အင်း အစ်ကို မိုးချုပ်လောင်းဘီ ရှိလား”
မေးလာတဲ့ စကားကြောင့် ရုတ်တရက်ကြောင်သွားတယ်။
တဆက်တည်းဆိုသလို နောက်နေတာလားလို့ ထင်မိတယ်။
ဒါနဲ့ ဘောင်းဘီ ဆိုတာပါနေတာနဲ့ ဘောင်းဘီ မျိုးစုံကို ထုတ်ပြတာပေါ့။
ဈေးဦးလည်း ဖောက်ရအောင်လို့လေ။
”မဟုတ်ဘူးအစ်ကို မိုးချုပ်ဘောင်းဘီလေ”
ဆိုပြီး ၀တ်ထားတဲ့ ရှမ်းဘောင်းဘီ အနက်နွမ်းနွမ်းလေးကို ကိုင်ပြတယ်။
ဟာ...သိလိုက်ပါပြီ၊ ရှမ်းဘောင်းဘီ အနက်ရောင်....
”သိပ်ရှိတာပေါ့ ညီလေးရ” ဆိုပြီး ရှမ်းဘောင်းဘီ အနက်ရောင်တွေ ထုတ်ပြတယ်။
ထုတ်ပေးလိုက်တဲ့ ရှမ်းဘောင်းဘီ တွေကို ကိုင်ကြည့်၊တိုင်းကြည့် လုပ်ရင်း မတ်တတ်
”အစ်ကို အစ်ကို”
”ဘာလဲကွ”
”ကျွန်တော်ကို သူ့ညီလေးပေးပါ”
ဟုတ်ပါပြီ...ဟုတ်ပါပြီ လို့ စိတ်ထဲက ရည်ရွတ်ရင်း
ဆိုဒ်ငယ်တဲ့ ရှမ်းဘောင်းဘီ ကို ရွေးပေးလိုက်တယ်။ ပြီးတော့ သူက
”ဘယ်လောက်လဲ”
”၂၀၀၀ ပါညီလေး”
”ဟာ အစ်ကို ဈေးနည်းနည်း ငယ်အုန်း”
”ညီလေး ၁၈၀၀ တော့ပေးခဲ့ကွာ ဒီထက်တော့ ပိုမငယ်ပါရစေနဲ့”
သူက ပိုက်ဆံ ၁၈၀၀ လှမ်းပေးရင်း ပြောလိုက်တာက
”ဆောရီး အစ်ကို ဗမာ စကား မလောက်စားဘူးဗျ” လို့ ပြောရင်း ရှမ်းဘောင်းဘီ ကို ၀ယ်ယူသွားပါတော့တယ်။
ကျွန်တော်လည်း အေးချမ်းတဲ့ ရာသီအောက် ဗမာစကား အသစ်တွေနဲ့ ဈေးဦးပေါက်ပြီး
”မိုးချုပ်ဘောင်းဘီ ညီလေးကို ဈေးငယ်ငယ်နဲ့” ရောင်းထွက် ခဲ့ပါသည်။
ကွတ်ခိုင်မြို့ ရဲ့ တစ်ခုသော ဈေးနေ့လေးမှာပေါ့ဗျာ။

အမေ

ဂီတာအိုလဲ သီချင်းသစ်နဲ့ မပျော်တော့ဘူး။
လမင်းငယ်လဲ ကြယ်စုံည၌ မပျော်တော့ဘူး။
ပျားငယ်လဲ ပန်းတောလယ်၌ မပျော်တော့ဘူး။
ငါလည်းလေ....လောက အလယ်၌ မပျော်တော့ဘူး။
အမေ...။
အမေ........။

ဒီးဒိုး။
၁၁၊၀၇၊၂၀၁၀။

အချိန်

မကုန်သေးဘူး............
မကုန်သေးဘူး.................
မကုန်သေးဘူး..................
..............................ငြီးဆိုရင်းက
..
....
......
.......လင်းတဲ့ မီးအိမ်
................ငြိမ်းလေပြီ။

ဒီးဒီုး။
၁၂၊၀၇၊၂၀၁၀။